Şimal-qərb bölgəsi
"İpək yolu boyunca"
Şimal-qərb bölgəsi
"İpək yolu boyunca"
Rayonlar
Şəki, Qax, Zaqatala, Balakən, Şamaxı, İsmayıllı, Qəbələ, Oğuz
Hədəf bazarlar
Avropa
Şəkiyə ən çox ziyarətçi Avropadan (60%-dən çox) gəlir. Burada onları mədəni möcüzələr, YUNESKO-nun irs siyahısına daxil olan abidələr, "toxunulmamış" təbiət və qeyri-adi ənənəvi məkanlar cəzb edir.
Səudiyyə Ərəbistanı
Səudiyyə Ərəbistanı bu bölgə üçün əsas bazardır, lakin təklif olunan turizm məhsullarına görə bu ölkədən təkrar gələn turist sayı aşağıdır. Bu turistləri təbiət möcüzələri, ailəvi fəaliyyətlər, gecə əyləncəsi maraqlandırır.
Hindistan
Bölgənin ikinci hədəf bazarı Hindistandır. Ümumiyyətlə, bölgəyə gələn turistlərin 86%-i Cənubi Asiyadan olur. Qış kurortu və qastronomiya məhsulları sayəsində turistlər əsasən Qəbələni seçirlər.
İsrail
Bu bazar MDB ölkələrinə nisbətən bölgədə daha çox üstünlük təşkil edir. Şimal-qərb dəhlizi istiqamətində mədəniyyət obyektləri, təbiət fəaliyyət növləri ilə tanış olaraq, fərqli turizm növləri (macəra, təbiət, mətbəx, şəhər) ilə maraqlanırlar.
Çin
Azərbaycana gələn çinli turistlərin əksəriyyəti Şəki haqqında məlumatlı olurlar və Şəkiyə səyahət etməyi planlaşdırırlar. Əsas xüsusiyyətlərinə görə, avropalı turistlərə bənzəyən çinli turistlər qrup şəklində səyahət edir və bütün Qafqazı araşdırırlar. Azərbaycanı ziyarət edən çinli səyahətçilərin 40%-i Şəkini ziyarət edir.
BƏƏ
Bu bölgədən gələn turistlər üçün Qəbələ inkişaf etmiş infrastruktur və təklif etdiyi bir sıra məhsullarla dominant rola malikdir. Bununla yanaşı, turoperatorlar Qəbələyə gedərkən Şamaxı, İsmayıllı kimi rayonlardan keçən turlar təklif edirlər, lakin gecələmədən istifadə etmirlər.
MDB
MDB bazarı üçün Şəki mədəniyyət mərkəzi kimi maraqlıdır. Bu bazar mədəni gəzintiyə əlavə olaraq sağlamlıq kurortlarını seçir və macəra əyləncəyə eyni zamanda üstünlük verirlər. MDB bazarından səyahət edənlərin 33%-i regional səfərlər üçün Şəkini seçir.
Təklif
Azərbaycanın şimal-qərb bölgəsinə səfər edən qonaqlar tarixi abidələri ziyarət edə, yerli yeməkləri dada və ya Qafqaz dağlarına baş çəkə bilərlər. Diqqət çəkən məqamlardan biri də cazibədar Şəkidə İpək yolu abu-havasını hiss etmək, ucqar dağ kəndlərində qədim sənətkarlıq ənənələrini müşahidə etmək və gizli göllərə və şəlalələrə dağ yürüşü etmək mümkündür.
Mövcud turizm məhsulları istiqamətləri
Mədəniyyət, tarix, təbiət, kənd təsərrüfatı, sağlamlıq və rekreasiya, xüsusi maraq və şəhər
Məhsul inkişaf istiqamətləri
Tarix, sənətkarlıq, kənd həyatı, təbiət, yerli ləzzətlər
Resurslar
İslam tarixi və erkən xristianlıq irsi
Sənətlər: xalçaçılıq, ipəkçilik, kəlağayı istehsalı, dəmirçilik, dulusçuluq
Kənd həyatı
Zəngin təbiət mənbələri: Milli parklar və qoruqlar, şəlalələr, göllər, dağ zirvələri, meşələr, termal bulaqlar
YUNESKO irsi: Şəki şəhəri, Lahıc və Basqal qoruqları
Zəngin mədəniyyət obyektləri
Aqroturizm imkanları
Yerli kənd təsərrüfatı məhsulları: qoz-fındıq, giləmeyvə, alma, göyərti, çay, üzüm, heyva, nar, qızılgül və lavanda fabrikləri
Qida məhsulları: bal, un, şərab və şirniyyat, süd və süd məhsulları
Qış turizmi
Ekstremal idman növləri, çövkən oyunu
Dağ kəndləri
“İsma” velosiped zavodu
İmkanlar
Yerli təbiəti bilən və maraqlı hekayələr, viktorinalar, yerli sakinlər tərəfindən yol boyunca təklif edilən tematik marşrutların sayı məhduddur. Tur şirkətləri / ziyarətçiləri üçün fərqli dillərdə yerli tur xidmətlərinin siyahısı olan rabitə platformaları / kanalları / sifariş portalları yoxdur. Mədəniyyət obyektləri və yerli turlar beynəlxalq portallarda / platformalarda / səyahət bələdçilərində / mediada yaxşı təmsil olunmur.
Ümumiyyətlə, yürüş marşrutları zəif inkişaf etmişdir və xüsusən, maddi və qeyri-maddi mədəni turizm məhsullarının sayı məhduddur. Oflayn xəritələşmə xidmətləri və mobil tətbiqetmələr məhduddur, marşrutun izahı olan yol işarələri, yerli yürüş bələdçiləri, onlayn sifariş xidmətlərinin sayı azdır və ya ümumiyyətlə yoxdur.
Təbiət əraziləri və inkişaf etmiş infrastruktur obyektlərinin yaxınlığında dövlət və özəl düşərgə sahələrinin olmaması. Düşərgə avadanlıqlarının kirayəsi, yürüş marşrutları üçün əvvəlcədən rezervasiya, yerli bələdçi və digər xidmətlərin (məsələn, tonqal meydançaları, musiqi alətlərinin kirayəsi, fotoçəkilişlər, qonaq evləri, yerli yeməklər, etnik təcrübələr, rəqs tamaşaları, sənətkarlıq master-klasları və s.) olmaması.
Açıq havada istirahət və əyləncə təcrübələri (məsələn, velosiped, dağ velosipedi, kvadrosikl kirayəsi, piknik / barbekü yerləri, yemək avadanlığı icarəsi və s.) sadədir və zəif inkişaf etmişdir.
Ziyarətçilərlə birgə təsərrüfat məhsullarının yığması, dequstasiyası, milli, ənənəvi qidaların bişirilməsi, hazırlanması, uşaqlar və gənclər üçün ferma turları, təsərrüfat heyvanları ilə canlı təmas, gecələmə və səhər yeməyi təcrübələrinin minimum inkişafı.
Peşəkar təsərrüfat turları (xüsusən uşaqlar və gənclər üçün), məhsulların dequstasiyası / təqdimatı, istehsal proseslərində iştirak və s. ilə kənd təsərrüfatı təcrübələrinin (məsələn, şərab fabrikləri, lavanda fabrikləri, qoz-fındıq fabrikləri və s.) məhdud inkişafı
Yaxşı inkişaf etmiş at yollarının və at sürmə imkanlarının məhdud olması, eləcə də maraqlı, gözəl marşrutlar boyunca bələdçilər tərəfindən hekayələr, əfsanələr, miflərin danışılmaması. Atçılıq təcrübələrinin inkişafında fərqli xidmətlər, məsələn, milli geyimlər geyinmək, foto və video xidmətləri təklif etmək, atlara bəsləmə və onlara qulluq imkanları, yerli ənənələrin təqdimatı (məsələn, toylar) və s.
Ailələr və uşaqlar üçün nəzərdə tutulmuş fəaliyyətlər və əyləncə məkanları: uşaq meydançaları, ailəyə və uşaqlara uyğun olan təbiət / kənd təsərrüfatı təcrübələri, uşaqlar üçün master-klass təcrübələri (aşpazlıq, dulusçuluq, əl işləri), tematik parklar / əyləncə yerləri (ip parkları, uşaq klubları, lazer strayk, kinoteatrlar və s.), həmçinin idman / istirahət yerləri (boulinq, peyntbol, leqo, rəsm, rəqslər və s.) məhduddur.
Gecə klubları, açıq səma altında kinoteatrlar, uşaq diskotekaları, gecə mərasimləri, tonqallar, açıq havada folklor və etnik musiqi tədbirləri və digər gecə turizmi fəaliyyətləri əksər bölgələrdə yaxşı təmin edilməyib.
Muzeylərdə interaktiv təcrübələrin zəif təmin edilməsi. Bölgə muzeylərində bələdçi / tərcümə xidmətləri və foto / video / texnologiya həlləri inkişaf olunmayıb. Muzey biletlərini almaq üçün onlayn sifariş imkanı yaradılmalıdır.
Müasir əl işi məhsulları: suvenirlər, ev əşyaları və hədiyyəlik əşyalar (məsələn, dulusçuluq məhsulları / gil dibçəklər, fincanlar, doğrama taxtaları, altlıqlar, qablar, qutular, kosmetika qabları, toxunma, taxta və yun oyuncaqlar, zinət əşyaları, yemək qutuları, yerli istehsal olan tekstil və ipək paltarlar və ətəklər, şərflər, sancaqlar və bantlar və s.). Xüsusi sənətkarlıq bazarlarının olmaması və əl istehsalı məhsulların turistlər üçün əl işi məhsulları satış nöqtələrinin az olması.
Konsert salonları, mədəniyyət mərkəzləri, restoranlar və s. kimi xüsusi ictimai yerlərdə milli və ənənəvi tamaşaların təqdim edilməməsi və YUNESKO-nun qeyri-maddi mədəni irsi olan aşıq sənətinin məhdud tanıtımı. Ziyarətçilərə hekayə izahı və musiqi alətlərinin yaradılması haqqında məlumat əldə etmələri üçün məhdud imkanlar.
Milli, müasir, beynəlxalq və ya individual fast-fud növlərinin satış yerlərinin və çeşidlərinin az olması. Ənənəvi qidaları müasir ləzzət və kulinariya meylləri ilə birləşdirən yeni mətbəx və reseptlərin inkişaf etdirilməməsi.
Yerli sosial inkişaf təşəbbüslərinin (turizm könüllüləri, gənclər təşkilatları, dil öyrənmək üçün mobil / onlayn tətbiqlər və s.) azlığı
Tullantıların idarə olunması problemini həll etməyi hədəfləyən bir sıra sosial layihələrə baxmayaraq, regionlarda (xüsusən turistik ərazilərdə) vəziyyətin yaxşı olmaması. Tətbiq / texnologiya əsaslı həllər araşdırılmamışdır.
Regional səviyyəli festival və tədbirlərin məhdud informasiya dəstəyi / təşkili / koordinasiyası, onlayn sifariş / bilet sistemləri ilə əlaqələrinin olmaması.
Bölgələr arasında məhdud nəqliyyat xidməti (bölgələr arasında birbaşa əlaqə yaradan yolların olmasına baxmayaraq, nəqliyyat operatorlarının əksəriyyəti, yalnız Bakıya gedib-gəlirlər). Bölgə daxilində daha çox sərbəst səyahət etmək üçün nəqliyyatla əlaqəli tətbiqlərin məhdud mövcudluğu.
Mövcud tendensiyaları əks etdirən sağlamlıq fəaliyyəti və prosedurlarının məhdud mövcudluğu. Sağlamlıq və rekreasiya məhsulları olaraq yerli çiçəklərin, otların, ədviyyatların, daşların və mineralların məhdud istifadəsi. Açıq havada sağlamlıq fəaliyyətlərinin (məsələn, yoqa, zumba, step aerobikası və s.) və regional bölgələrdə sağlamlıq və gözəllik turlarının məhdud təminatı.
Yerli məmulatlar və qida məhsulları (mürəbbə, meyvə suyu, sous, şirniyyat, bitki çayları, ədviyyat, meyvə çipsi, quru meyvələr, qoz-fındıq, giləmeyvə şərabı və s.) çox vaxt yaxşı inkişaf etdirilmir, qablaşdırılmır və əsas turizm yerlərində təqdim olunmur. Maqnitlər, hədiyyə kartları, dəftərlər, poçt markaları və s. kimi kiçik (asanlıqla daşınan), ucuz qiymətli suvenirlərin olmaması.