BMTİP və Dövlət Turizm Agentliyi sosial cəhətdən həssas qruplara (qadınlar, gənclər, əlilliyi olan şəxslər) diqqət yetirməklə yerli icmalar üçün biznes startaplara dəstək proqramını həyata keçirir.

Turizm daim dəyişir və dayanmadan inkişaf edir. Turizmin ritmini tuta bilsən, qarşında sonsuz fürsətlər və imkanlarla dolu bir dünya açılacaq. Əgər özünü bu sahədə görürsənsə, turistləri cəlb edəcək və onların ölkəmizdə səyahətlərini rahatlaşdıracaq ideyaların varsa və bütün bunları necə həyata keçirəcəyini bilmirsənsə, “RİTM” startap proqramına baş vur. “RİTM”ə qoşularaq, lazımi bilikləri əldə edib, öz biznesini qura və ilk investisiyanı cəlb edə bilərsən. “RİTM”ə düşmək istəyirsənsə, təxəyyülünü işə sal və startapını qurmaq üçün ilk addımını bizimlə at!

Regional turizm sahibkarlıq proqramı olan “RİTM” regionlarda turizm və qonaqpərvərlik sənayelərinin davamlı və dayanıqlı inkişafını təmin etmək, eyni zamanda adıçəkilən sahələrin yerli sakinlər üçün məşğulluq imkanları yaratması məqsədilə həyata keçirilir.

Qeyd edək ki, “RİTM” proqramı turizm sahəsi üzrə startaplara dəstək olaraq, yerlərdə planlaşdırılmış, turistyönümlü və yüksək xidmət səviyyəsi təklif edən yeni sahibkarlıq subyektlərinin formalaşdırılması istiqamətində fəaliyyət göstərəcək.
 

RİTM qazandırır

RİTM-ə qoşulmaqla artıq sən də qazanmısan! Finalda 20 layihə seçilərək öz biznesini inkişaf etdirmək üçün 17 000 manat məbləğində texniki dəstək və avadanlıqla təmin olunma şansı qazanacaq.

17 000 AZN*

*Startap layihəsinin icrası üçün gərəkli olan ehtiyaclardan asılı olaraq 17 000 manat məbləğinə qədər dəstək imkanı

Qalibləri başqa mükafatlar da gözləyir:

  • Sahibkarlar və investorlarla tanışlıq
  • Kütləvi media vasitələrində tanıtım
  • Dövlət tərəfdaşları tərəfindən dəstək
  • Beynəlxalq Turizm Təşkilatının startap müsabiqəsinə vəsiqə
  • Digər investisiya proqramlarına buraxılış
  • DTA və ATB-nin qoşulduğu beynəlxalq sərgilərdə iştirak
İndi qoşul

RİTM proqramının hədəfləri

Regionlarda turizmə investisiya yatırılmasına marağın artırılması və post-pandemiya dövründə regionların inkişafı üzrə görülən işlərdə hökümətə dəstək RİTM-in əsas məqsədidir. RİTM-in hədəflərinə daxildir:

goals 1

Turizm sahibkarları və turizm məhsullarının sayının artırılması

goals 2

Turizm sahəsi üzrə KOB-un inkişafı üçün regional bazanın yaradılması

goals 3

İnnovativ, kiçik turizm məhsulları üzrə bizneslər yaratmaq, həmçinin maliyyələşdirmək üçün investor və İT mühəndislərini cəlb etmək

RİTM-ə qoşulmaq üçün ilk addım

RİTM proqramı 4 prioritet bölgədə keçirilir. 
 

Turizm dəhlizinə aid olan şəhərlərin siyahısı isə burada verilib

Əgər ideyanız siyahıdakı turizm dəhlizlərindən ən azı birinə aiddirsə, amma siz prioritet bölgələrdən kənarda yaşayırsınızsa, RİTM-ə qoşula bilərsiniz.

Turizm dəhlizi
Pin
RITM mərkəzi
Şimal bölgəsi / “Dağlar və dəniz arasında”
Şimal-qərb bölgəsi / “İpək Yolu boyunca”
Cənub bölgəsi / “Subtropiklərə səyahət”
Qərb bölgəsi və Aran / “Qədim tarix və mədəni irs”
Naxçıvan bölgəsi / “Əfsanələr diyarı, qədim mədəniyyət”
Bakı-Abşeron bölgəsi / “Əbədi alovların sehrində”
Azerbaijan map
Turizm dəhlizi
Pin
RITM mərkəzi
Şimal bölgəsi / “Dağlar və dəniz arasında”
Şimal-qərb bölgəsi / “İpək Yolu boyunca”
Cənub bölgəsi / “Subtropiklərə səyahət”
Qərb bölgəsi və Aran / “Qədim tarix və mədəni irs”
Naxçıvan bölgəsi / “Əfsanələr diyarı, qədim mədəniyyət”
Bakı-Abşeron bölgəsi / “Əbədi alovların sehrində”

RİTM-ə qoşulmaq üçün ikinci addım

Turizm geniş və çoxşaxəli sahədir. Əgər sənin ideyan aşağıda göstərdiyimiz bəndlərdən birinə uyğun gəlirsə, deməli, RİTM-ə qoşula bilərsən:

Turlar və səyahətlər

Aqro və eko turlar, ölkə üzrə turlar və s.

Sənətkarlıq və suvenirlərin pərakəndə satışı

turizm sənət məhsullarının istehsalı, suvenirlərin satışı üçün tətbiqlər, köşklər və s.

İnfrastruktur

nəqliyyat, tullantıların idarə olunması və s.

Texnologiya

problemlərin müasir texnologiyaya əsaslananan həlləri və s.

Kulinariya

kafe və restoranlar üçün tətbiqlər və s.

Yerləşdirmə

yerləşdirmə müəssisələri üzrə xidmətlər, sağlamlıq turizmi və s.

Görməli yerlər və təcrübələr

kempinq, qlempinq, haykinq, ekstrim idman növləri təcrübələri və s.

Sosial layihələr

könüllülər üçün tətbiq və s.

İlhamlanmaq üçün İdeya bankına da baş çəkə bilərsən.

Hər iki addımı geridə qoyduq. RİTM-ə qoşulmağın tam zamanıdır! Qarşıda maraqlı və yeniliklərlə zəngin RİTM yolu səni gözləyir.

İdeya Bankı

RİTM yolu

RİTM yolu aşağıdakı əsas komponentlərdən ibarətdir:

1. QEYDİYYAT

1. Qeydiyyat

Potensial iştirakçılar RİTM veb-saytı üzərindən qeydiyyatdan keçəndən sonra müraciətlərin bütün şərtlərə uyğun olduğu yoxlanılacaq. Bütün şərtlərə cavab verən layihələr turizm və sahibkarlıq ekspertlərinin qiymətləndirməsinə göndəriləcək.

2. QİYMƏTLƏNDİRMƏ VƏ SEÇİM

2. Qiymətləndirmə və seçim

Ekspertlər bütün layihələri aşağıda olan meyarlara əsasən qiymətləndirəcəklər: • Biznes ideyası • Turizm sənayesinə təsir və miqyaslandırma • Biznes modeli • Layihənin qabiliyyəti və davamlılığı • Reallaşdırma potensialı • Verilən texniki dəstək çərçivəsində biznesin ilkin mərhəlləsini qurmaq potensialı Ən yüksək bal toplayan ideyalar inkubasiya mərhələsi üçün seçiləcək.

3. İNKUBASİYA MƏRHƏLƏSİ

3. İnkubasiya mərhələsi

Ölkə üzrə seçilən 50 komanda (və ya iştirakçı) öz layihəsini daha da təkmilləşdirmək üçün turizm, biznes və marketinq sahələri üzrə təlim kursları və seminarlarda iştirak edəcək, peşəkar mentorların dəstəyindən yararlana biləcək. İnkubasiyanın sonunda iştirakçılar “Biznes-konsept” bukletləri hazırlayıb peşəkər münsiflər heyətinə təqdim edəcəklər.

4. FİNAL

4. Final

Münsiflər inkubasiya proqramını uğurla bitirən ən güclü 20 (iyirmi) layihəni seçəcək və onlar öz biznesini inkişaf etdirmək üçün 17 000 manat məbləğində texniki dəstək mükafatı qazanacaq.