Regional muzeylər beynəlxalq qonaqlar və uşaqlar üçün darıxdırıcı ola bilər və əksər hallarda interaktiv olmurlar. Mədəni irs bəzən əlçatmaz olur və irslə bağlı kifayət qədər açıqlama / tarixi fakt yoxdur. Bəzi mədəni yerlərə əvvəlcədən tur sifariş etmək çətindir.

#texnologiyalar #turizmtəcrübəsi

Qastronomiya master-klasları zəif təmin olunur, yerli qastronomiya mütəxəssisləri azdır və ümumiyyətlə master-klass zamanı əyləncə və qarşılıqlı əlaqə məhdud saydadır.

#qastronomiya #turizmtəcrübəsi

Mənzərəli təbii ərazilərdə su əsaslı (məsələn, balıqçılıq, qayıqla gəzinti) və digər qısa müddətli açıq turizm təcrübələrinin olmaması. Gəmi, katamaran, su velosipedləri, balıqçılıq paltarları və avadanlıqlarının kirayəsi, su əsaslı təcrübələrin təşkili üçün məhdud xidmətlər mövcuddur.

#turizmtəcrübəsi #texnologiyalar #ekoturizm

Ümumiyyətlə, yürüş marşrutları zəif inkişaf etmişdir və xüsusən, maddi və qeyri-maddi mədəni turizm məhsullarının sayı məhduddur. Oflayn xəritələşmə xidmətləri və mobil tətbiqetmələr məhduddur, marşrutun izahı olan yol işarələri, yerli yürüş bələdçiləri, onlayn sifariş xidmətlərinin sayı azdır və ya ümumiyyətlə yoxdur.

Təbiət əraziləri və inkişaf etmiş infrastruktur obyektlərinin yaxınlığında dövlət və özəl düşərgə sahələrinin olmaması. Düşərgə avadanlıqlarının kirayəsi, yürüş marşrutları üçün əvvəlcədən rezervasiya, yerli bələdçi və digər xidmətlərin (məsələn, tonqal meydançaları, musiqi alətlərinin kirayəsi, fotoçəkilişlər, qonaq evləri, yerli yeməklər, etnik təcrübələr, rəqs tamaşaları, sənətkarlıq master-klasları və s.) olmaması.

Ailələr və uşaqlar üçün nəzərdə tutulmuş fəaliyyətlər və əyləncə məkanları: uşaq meydançaları, ailəyə və uşaqlara uyğun olan təbiət / kənd təsərrüfatı təcrübələri, uşaqlar üçün master-klass təcrübələri (aşpazlıq, dulusçuluq, əl işləri), tematik parklar / əyləncə yerləri (ip parkları, uşaq klubları, lazer strayk, kinoteatrlar və s.), həmçinin idman / istirahət yerləri (boulinq, peyntbol, leqo, rəsm, rəqslər və s.) məhduddur.

Gecə klubları, açıq səma altında kinoteatrlar, uşaq diskotekaları, gecə mərasimləri, tonqallar, açıq havada folklor və etnik musiqi tədbirləri və digər gecə turizmi fəaliyyətləri əksər bölgələrdə yaxşı təmin edilməyib.

#turizmtəcrübəsi #ekoturizm

Muzeylərdə interaktiv təcrübələrin zəif təmin edilməsi. Bölgə muzeylərində bələdçi/ tərcümə xidmətləri və foto / video / texnologiya həlləri inkişaf etməyib. Muzey biletlərini almaq üçün onlayn sifariş imkanı yaradılmalıdır.

#infrastruktur #texnologiyalar

Müasir əl işi məhsulları: suvenirlər, ev əşyaları və hədiyyəlik əşyalar (məsələn, dulusçuluq məhsulları / gil dibçəklər, fincanlar, doğrama taxtaları, altlıqlar, qablar, qutular, kosmetika qabları, toxunma, taxta və yun oyuncaqlar, zinət əşyaları, yemək qutuları, yerli istehsal olan tekstil və ipək paltarlar və ətəklər, şərflər, sancaqlar və bantlar və s.). Xüsusi sənətkarlıq bazarlarının olmaması və əl istehsalı məhsulların turistlər üçün əl işi məhsulları satış nöqtələrinin az olması.

#texnologiyalar #eticarət #ekoturizm

Milli, müasir, beynəlxalq və ya individual fast-fud növlərinin satış yerlərinin və çeşidlərinin az olması. Ənənəvi qidaları müasir ləzzət və kulinariya meylləri ilə birləşdirən yeni mətbəx və reseptlərin inkişaf etdirilməməsi.

#qastronomiya #turizmtəcrübəsi

Yerli sosial inkişaf təşəbbüslərinin (turizm könüllüləri, gənclər təşkilatları, dil öyrənmək üçün mobil / onlayn tətbiqlər və s.) azlığı

#texnologiyalar #sosial

Tullantıların idarə olunması problemini həll etməyi hədəfləyən bir sıra sosial layihələrə baxmayaraq, regionlarda (xüsusən turistik ərazilərdə) vəziyyətin yaxşı olmaması. Tətbiq / texnologiya əsaslı həllər araşdırılmamışdır.

#texnologiyalar #sosial #infrastruktur

Regional səviyyəli festival və tədbirlərin məhdud informasiya dəstəyi / təşkili / koordinasiyası, onlayn sifariş / bilet sistemləri ilə əlaqələrinin olmaması.

#texnologiyalar #sosial

Bölgələr arasında məhdud nəqliyyat xidməti (bölgələr arasında birbaşa əlaqə yaradan yolların olmasına baxmayaraq, nəqliyyat operatorlarının əksəriyyəti, yalnız Bakıya gedib-gəlirlər). Bölgə daxilində daha çox sərbəst səyahət etmək üçün nəqliyyatla əlaqəli tətbiqlərin məhdud mövcudluğu.

#texnologiyalar #infrastruktur

Yerli məmulatlar və qida məhsulları (mürəbbə, meyvə suyu, sous, şirniyyat, bitki çayları, ədviyyat, meyvə çipsi, quru meyvələr, qoz-fındıq, giləmeyvə şərabı və s.) çox vaxt yaxşı inkişaf etdirilmir, qablaşdırılmır və əsas turizm yerlərində təqdim olunmur. Maqnitlər, hədiyyə kartları, dəftərlər, poçt markaları və s. kimi kiçik (asanlıqla daşınan), ucuz qiymətli suvenirlərin olmaması.

#turizmtəcrübəsi #ekoturizm #eticarət #qastronomiya